Jesaja 40-41 – Die wat op die Here vertrou, kry nuwe krag
Tussenin is daar ’n verbeeldingsgesprek tussen moeilik identifiseerbare partye (in vers 6b is dit moontlik die profeet self) wat klem lê op die woord van God wat vir ewig bly, en gekontrasteer word met die mag van mense. Tog moet daar voorbereidings getref word vir dié woord om gehoor te word. Dit laat ’n mens onwillekeurig dink aan die bediening van Johannes die Doper wat aan dié verse gekoppel word (Joh 1:23; Luk 3:2-7 vv).
In die tweede perikoop van hoofstuk 40 word die onvergelyklike wysheid en skeppingsmag van die Here besing 40:12-26. Let op hoe dié gedagtes oor God dan ingespan word om vir Juda te oortuig dat God hulle belange op die hart dra in 40:27-31. Hulle hoef nie meer te kla dat God hulle nie raaksien nie, trouens mag nie meer kla nie, want dié God sien hulle nie net raak nie, maar sal nooit moeg word om vir dié wat op Hom vertrou nuwe krag te gee nie.
Die uitkoms word in hoofstuk 41 verbind aan die optrede van ’n heerser uit die ooste, na alle waarskynlikheid Kores van Persië (vgl hfst. 45), wat deur die Here ingespan word. (Terloops hy sou opgevolg word deur koning Darius wat verantwoordelik was vir die terugkeer van die Jode in die laaste helfte van die 6de eeu v C.)
Dit ontlok vrees by die nasies wat hulle dryf tot die nuttelose afgode wat met spykers ondersteun moet word sodat hulle nie omval nie (41:1-7)! Maar Israel kan moed skep want God is met hulle, al voel hulle soos ’n wurm in hulle onbenulligheid. God sal hulle gebede verhoor en groot veranderinge bring tot ’n getuienis vir baie nasies (41:8-20). Let op hoe Israel as God se dienaar geteken word, die eerste betekenis van die dienaar van die Here.
Die wonder is dat die nasies niks aan God se uitkoms kan verander nie – 41:21-29. Hulle gode is niks en kan niks doen nie. Hulle hoef net sowel nie daar gewees het nie!
Dit is so ’n heerlike gedeelte:
- Neem gerus vandag een van die gedagtes oor God wat jou getref het in 40:12-26 en spandeer tyd om daaroor na te dink en die Here te loof.
- Of neem een van die gedagtes in 40:27-31 wat jou eie situasie aanspreek en bevestig jou vertroue op die Here.
Tags: Jesaja
Trackback from your site.
April 30, 2012 (10:15) Prediker 11:7-12:8 – Leer met God leef in jou jong dae Pragtige boodskap vir oud en jonk! Leef!! ...Het God lief en doen wat jy wil (Augustinus)
April 26, 2012 (12:50) Prediker 9:13-10:15 – Wysheid is broos en breekbaar Gesels gisteraand met die groep in Somerstrand oor Jakobus 3 se visie oor wysheid: "13 Is daar...
April 24, 2012 (5:25) Prediker 6:10-7:29 – Die soeke na selfverwesentliking Hi Chris, Dis vir my so wonderlik dat God ons soekend geskep het, na `n godheid, Homself. As on...
April 24, 2012 (9:30) Prediker 8:1-17 – Die voordeel en frustrasie van wysheid Chris, gedurende die nag van pyn dwaal my gees in tussen slaap+ beswyming dan verskyn jou naam ...
April 23, 2012 (12:59) Prediker 6:10-7:29 – Die soeke na selfverwesentliking Ek is bly! Rethie en die span van Klema en Somerstrand mag maar, nê!